Қытай жазушысы, 2015 жылғы Мао Дун әдеби сыйлығының иегері Ли Пэйфудың бұл романының бас кейіпкері – У Чжипэн. Оқиға бірінші жақтан баяндалады. Әке-шешеден ерте айырылып, тұлдыр жетім қалған жанның осынау адамның адамды аяуы азайып бара жатқан қатыгез замандағы шиеленіске толы тағдыры, өмірден өз орнын табу жолындағы басынан кешкен қым-қуат оқиғалар, қоғамдағы болып жатқан өзгерістердің адамдардың мінез-құлқына әсері, заман көрінісі нанымды суреттелген. Өмірден қаншама қиындық көрсе де, әр күні қарама-қайшылыққа толы болса да, адамшылық қасиетін жоғалтпаған кейіпкердің шынайы бейнесі жиырма бірінші ғасыр оқырманының жүрегіне жылылық ұялатады.